Dasht main payas bujatay hoye mar jatay hain
Hum parinday kahin jatay hoye mar jatay hain

Hum hain sokhay hoye talaab pay bethay hoye huns
Jo taluq ko nibhatay hoye mar jatay hain

Ghar pohanchta hai koi our hamaray jesa
Hum teray shahar se jatay hoye mar jatay hain

Kis tarah log chalay jatay uth kar chup chaap
Hum to ye dhayan main latay hoye mar jatay hain

Un k bhi qatal ka ilzam hamaray sir hai
Jo hamain zahar pilatay hoye mar jatay hain

Ye muhabat ki kahani nahi marti lakin
Log kirdar nibhatay hoye mar jatay hain

Hum hain wo toti hoyi kashtion waly tabish
Jo kinaro ko milatay hoye mar jatay hain