Bahut asaan hai kehna
Muhabbat tum se kartay hain
Magar matlab muhabbat ka
Samajh laina nahe aasaan

Muhabbat paa ke kho daina
Muhabbat kho ke paa laina
Yeh un logoon ke qissay hain
Muhabbat ke jo mujrim hain

Jo mil jaane pe hanstay hain
Bichar jaane pe rotay hain
Suno ...
Muhabbat karne walay tau
Bahut khamosh hotay hain

Jo qurbat mein bhi jeetay hain
Jo furqat mein bhi jeetay hain
Na woh fariyaad kartay hain
Na woh ashkoon ko peetay hain
Bahut asaan hai kehna ...