سُنــــــو لـــــــــڑکــی !!!
میری باتیں سنو
بہت کچھ کہہ چکی ہو تم
بہت کچھ سن چکا ہوں میں
تمہیں بھولا نہیں اب تک
نہ قسمیں وعدے توڑے ہیں
نہ کوئی سپنا دیکھا ہے
نہ ہی ناطہ بنایا ہے
تمہاری بے رُخی نے نا
مجھے کافی رُلایا ہے
مگر اک بات سن لو تم
بٹھا لو زہن میں اپنے
مجھے تم سے محبت تھی
اور اتنی تھی کہ مت پوچھو
اندھیری رات میں جب بھی
کبھی تنہا نکلتا تھا
تمہاری یاد کا روشن دیا
مرے ہمراہ چلتا تھا
گلے تو کر لیئے تم نے
کئی شکوے بھی کر ڈالے
مگر اس دل میں جھانکو تو
تمہیں اک شے دکھائی دے
مرے سینے پہ سر رکھو
تمہیں دھڑکن سُنائی دے
یہ دل جب بھی دھڑکتا ہے
ترا ہی نام لیتا ہے
مگر تم کہہ رہی ہو یہ
ادھورا پیار کرتا ہے؟
یقیں کر لو مرا جاناں
تمہیں یہ یاد کرتا ہے
تمہیں ہی پیار کرتا ہے
ابھی تک پیار کرتا ہے ...